عزيزه يالدموع اللي اعز من دمعة الرجال

مسائكم شعر ...

كيفكم ...

انقل لكم قصيدة .. كتبتها شاعرتها ..

بكل شموخ .. اختارت قلمها لتشكي له همومها ..

اختارته ليكون صديق لها ..

وانا اتفق معها .. هو سيظل وفي لها ,,,

عزيزه يالدموع اللي اعز من دمعة الرجال
عزيزة نفس من صغري مع اني حيل حساسه

وعزيزه يالحروف اللي سكتي والكلام يقال
حكيتي ماشكيني الهم وهمي ياقوي باسه

اجامل دنيتي واظحك وفيني هم بثقل جبال
اشيل الهم عن غيري وهمي يزيد مقياسه

ابي احكي كثر صمت سكن فيني ووقته طال
وابي احكي واظل احكي بلا تفكير ودراسه

أحبك يآقلم لنك تعبر عن شعور البال
تتفهم وتفهمني وتفهم قلبي واحساسه

تفجر داخلي شي حبسته من سنين طوال
تشيل الهم عن صدري بعد ماضاقت انفاسه

ويطلع من صميم القلب كلام يوصف الاحوال
يثير بداخلي عبره سجينه وحولها حراسه

مدامي شاعره وكفّي على ظهر القلم خيّال
مني بحاجه لكل الكون ولا بحاجه لكل ناسه