يوميات طالب في التوجيهي

بسم الله الرحمن الرحيم

السلام عليكم ورحمة الله وبركاته
انا مش بس طالب توجيهي ... انا التوجيهي طالبني كمان




الكل بيقولي خليك بدراستك ... فيش زي الشهادة بها الزمان


انسى الطشات والسهرات ... كإنك سجين والكتاب سجان


لا تشوف قرايب ولا أصحاب ... لا تروح على المطلعم ولا على الدكان


اتغدى قوانين واتعشى معادلات ... واشرب كأس من مرارة الامتحان



لا تلفزيون ولا كمبيوتر ... ولا تلعب حتى مع حيوان



حتى الروحة على الحمام ... قبليها استدعي وبعدها اصدار بيان




نام متأخر واصحى مبكر ... وجهك غسل واحلق بمعجون اسنان



كامل فاضل ادرس ناضل ... قلمك حامل في وجه العدوان




ثابر تابع درسك راجع ... لربك راكع انت وحدك الي كسبان



واجه داوم المشاكل قاوم ... كون عالم بعمرك ما بتنهان


اذا نجحت بتنفع حالك ... واذا بترسب بنفعكاش انسان



وقت الجد جد وما في مزح ... انت مش عايش بعصر الرومان



امشي مع شباب دريّسة ... وسيبك من شلة الزعران



روّح على الدار طوّالي ... وفكك من معاكسة النسوان



هـو صحيح الشغلة بتسلي ... بتشفي العليل وبتفرح الزعلان



بس التوجيهي تحدي ... وما بفوز فيه الا الذكي الفهمان



بكره بتقول يا ريتني درست ... يا ريتني سمعتك وما كان الي كان



بقولك أبوك : يابا يا حبيبي ... اذا بتنجح بسفرك على الصين او على اليابان




وبجيبلك سيارة اخر موديل bmw... أو فيراري او حتى نيسان




واذا بتحب بجوزك احلى بنت ... حتى لو كانت بنت " كوفي عنان "



انت بس انجح وارفع راسي ... وما تفضحني بين الاهل


والاخوان
ركّز بالحصة مع استاذك ... تقضيهاش تلعب وسرحان



وبينزل فيك نصايح ... تقول واقف قدام لقمان




يا طلاب التوجيهي الاعزاء ... احلفكم بالله وبالانبياء وبالقرآن



فيش احلى من النجاح ... حتى لو بتقلع عينك او بطيرلك ذان



لا ترسب ولا تعيد السنة ... تخليش واحد يكون فيك شمتان



بلاش تكون آخرتك بويجي ... او صاحب بسطة او بياع دخان

شكرا لك علي الموضوع الرائع

بارك الله فيك وجزاك الله خيرا

تقبلي مروري (بنت الياسر )(ريهام )

هههههههههههههههههههههههههههههه
بجد كتير بتزعل توجهي بس شو نسوي
توجهي حظ وانشاء الله بتزبط معنااااا
بس ادعولي يارب انجح في توجهي
شكرا علي الموضوع الرئع
تقبلي مروري معاذ

مشكور اخي علي الموضوع الجميل والرئغ